Áfram sömu heimsóknarreglur á heimilið

10.03.2021
Sæl og blessuð !
Allt starfsfólkið okkar hefur fengið fyrri sprautuna í bólusetningu gegn Covid 19 sem er frábært, það var eitthvað um veikindi eftir sprautuna en allir löngu búnir að hrista það af sér enda bara kjarnakonur og menn sem vinna hjá okkur.
Síðari sprautan er hjá sumum 3 vikum eftir fyrri en hjá flestum 3 mánuðum eftir til að fullkomna vörnina. En tímalengdin fer eftir því hvaða bóluefni var notað.
Við erum ekki ennþá búin að opna á milli dagdvalar og heimilis en það helgast af þeim fjöldatakmörkunum sem eru í gildi. Við höfum því heldur ekki getað tekið aftur á móti okkar kæru "kostgöngurum" í mat í hádeginu.
Samkvæmt tilmælum almannavarna höldum við í sömu heimsóknarreglur á hjúkrunarheimilið meðan ekki er búið að bólusetja síðari sprautuna og í ljósi fjöldatakmarkana. Við viljum því aðeins árétta þær reglur sem eru í gildi og biðja ykkur um að halda áfram að virða þær. Við viljum sérstaklega minna gesti á að staldra ekki við í sameiginlegum rýmum og að virða heimsóknartímann.
- Allir mega koma inn um aðalinnganginn en þurfa að skrá komu sína í bók, það er til að auðvelda smitrakningu ef svo ólíklega vildi til að einstaklingur með smit kæmi inn
- Þvo þarf hendur og spritta vel þegar komið er inn
- Skylda er að nota maska/grímu á leiðinni inn á herbergi og í kringum starfsfólk. Grímuskyldu hefur eingöngu verið aflétt af starfsfólki
- Heimsóknartímarnir eru áfram bundnir við 1-3 á dag fyrir hvern íbúa
- Heimsóknartímar eru á milli kl. 13-17 á daginn
- Heimsóknir skulu fara fram í einkarýmum íbúa en ekki í sameiginlegum rýmum
-Gestir skulu virða 2ja metrar nándarmörk eins og frekast er unnt
- Gestir mega ekki koma í heimsókn ef þeir eru í sóttkví eða einangrun, hafa dvalið erlendis og ekki eru liðnir 14 dagar frá heimkomu, ef þeir eru með einkenni s.s kvef, hósta, hita, höfuðverk, beinverki, þreyti kviðverki eða niðurgang.
- Við hvetjum aðstandendur til að bjóða sínum íbúa í bíltúr, út í göngutúr eða í heimsókn.
-Allar undantekningar þurfa að fara í gegnum hjúkrunarfræðinga á vaktinni.
Takk fyrir skilninginn og að vera með okkur í þessu 🙂