Breyting á heimsóknarreglum Hraunbúða 18. september 2020

18.09.2020
coronavirus-information
Kæru heimsóknargestir Hraunbúða !
Við erum áfram að bregðast við sveiflum og
í ljósi nýjustu frétta um fjölgun innanlandssmita Covid-19 þurfum við að bregðast við og gæta enn og aftur betur að sóttvörnum. Vonandi verður þessi niðursveifla stutt.
Við vitum ekki til þess að smit sé komið á eyjuna en veiran er lúmsk og margir sem hafa greinst síðustu daga hafa ekki verið í sóttkví, við þurfum að vera skrefi á undan veirunni. Við höfum fengið nýjar uppfærðar leiðbeiningar frá embætti landlæknis. Við fylgjum þeim viðmiðum en útfærslan er í okkar höndum. Leiðbeiningarnar má finna á heimasíðu landlæknis.
Við erum í þessu saman og viljum minnka líkurnar á því að smit berist inn á heimilið.
Líkurnar minnka í hlutfalli við þann fjölda sem kemur inn á heimilið, takmarkanir gera smitrakningu einnig auðveldari ef til smits kemur. Sem áður verða reglur endurskoðaðar út frá tilmælum sóttvarnaryfirvalda
 

Aðeins EINN GESTUR má heimsækja hvern íbúa á dag (helst sá sami næstu 7 daga). Fjölskyldur þurfa sjálfar að koma sér saman um hver það er sem kemur. 

- GRÍMUNOTKUN tekin upp að nýju. Gestir komi með sínar eigin grimur

- Gestir þurfa að skrá nafn sitt í gestabók við inngang

- Þvo þarf hendur þegar komið er í hús, spritta og sinna persónulegu hreinlæti í hvívetna

- Heimsóknir skulu fara fram á einkarými íbúa eða utanhúss, halda skal fjarlægð við aðra íbúa en sinn eigin aðstandanda og passa upp á að snertifletir séu sem fæstir. Þetta þýðir m.a að gestir skulu ekki stoppa við í setustofu eða matsal Hraunbúða heldur fara beint inn á herbergi íbúa.

- 2 METRA reglan er í gildi. Þetta gildir bæði hvað varðar íbúann eins og mögulegt er, starfsfólk Hraunbúða og annað heimilisfólk.

- Heimsóknir eru heimilaðar á tímabilinu kl.13-17:30

Áfram gilda einnig eftirfarandi reglur:

Að gestir

Komi EKKI í heimsókn til íbúa í 14 daga frá komu til landsins

Komi EKKI í heimsókn ef minnstu einkenni um kvef, flensulík einkenni, magakveisu, höfuðverk , beinverki eða slappleika eru til staðar