Heilsuræktartæki gefin til Hraunbúða

11.07.2019

Stjórn Minningarsjóðs um hjónin Guðmund Eyjólfsson (1885-1924) og Áslaugu Eyjólfsdóttur (1880-1952) frá Miðbæ við Faxastíg í Vestmannaeyjum afhenti í dag  hjúkrunar-og dvalarheimilinu  Hraunbúðum sett af heilsuræktartækjum.  Eru það hlaupabretti, þrekhjól, stórt sjónvarp og tölva með snertiskjá ásamt áskrift af hjólaleiðum.  Halldóra Björnsdóttir íþróttafræðingur og eiginmaður hennar  Birgir Þór Baldvinsson afhentu tækin fyrir hönd sjóðsins , en Halldóra hefur verið í sambandi við Georg sjúkraþjálfara  á Hraunbúðum til að kanna möguleika og þarfir heimilisfólks.  Starfsemi Minningarsjóðsins, sem var stofnaður 1969  tengdist Stýrimannaskólanum í Eyjum og síðar stýrimannanáms við FÍV , en námið lagðist af fyrir liðlega áratug.   Var því niðurstaða stjórnar í sjóðsins  leggja hann niður en nýta fjármuni ma.  til að styðja við þetta þarfa  verkefni. Þess skal getið að Guðmundur Eyjólfsson og Áslaug Eyjólfsdóttir voru foreldrar bræðrana  Björns Guðmundssonar, kaupmanns og útvegsbónda og Tryggva Guðmundssonar kaupmanns.   Myndin var tekin þegar afhending tækjanna  fór fram að viðstöddum fulltrúum sjóðsins og Hraunbúða