Ráðstefna FSÍÖ í Eyjum

08.05.2017

Á fimmtudeginum og föstudeginum í síðustu viku héldu félagsmenn í félagi stjórnenda í öldrunarþjónustu, árlega vorráðstefnu sína í Vestmannaeyjum.  Hingað mættu 95 manns á fimmtudagsmorguninn og höfðu bæði fræðslu og skemmtun út úr ferðinni.
Fræðandi fyrirlestrar voru í boði m.a hélt sr. Guðmundur Örn erindi um sorg og sorgarviðbrögð, Eyþór Eðvaldsson vinnusálfræðingur hélt erindi ásamt erindum frá Alzheimersamtökunum og erindum um tækninýjungar í öldrunarþjónustu. 
Hópurinn kom einnig í heimsókn á Hraunbúðir og skoðaði m.a annars nýbygginguna þar sem fyrsta tónlistaratriðið var flutt, en það voru snillingarnir í

Sönghópi eldri borgara sem tóku létt eyjalög við góðar undirtektir.
Þau skoðuðu einnig Sagnheima þar sem Jarl Sigurgeirs kynnti fyrir þeim þjóðhátíðarstemningu eins og hún gerist best. 
Það var ánægður hópur sem hélt heim á leið seinnipartinn á föstudeginum eftir þétta dagsskrá síðustu tvo daga og sáttur með þá góðu þjónustu sem þau fengu í eyjum m.a annars hjá Hótel Vestmannaeyjum, Hótel Eyjum, Einsa Kalda, Tanganum, 900 Grillhús, Viking tours, Akóges og Eimskip.